Kaup á húsgögnum er mikilvæg ákvörðun.  Við hjá Tekk-Company viljum að þú sért ánægður með þína ákvörðun ekki aðeins í versluninni, heldur einnig þegar húsgögnin koma heim til þín.

Heimkeyrsla
Tekk-Company býður  fría heimkeyrslu á höfuðborgarsvæðinu alla virka daga ef verslað er fyrir 50.000 eða meira, en ekki aðeins upp að dyrum heldur sjáum við til þess að húsgögnin séu tekin úr umbúðum, þær fjarlægðar og húsgögnin sett á þann stað þar sem þú vilt að þau séu staðsett. Athugið að ekki er frí heimkeyrsla á meðan á útsölu stendur.  Vörur sem senda á út á land sjáum við um að koma á þær sendibílastöðvar sem óskað er eftir á höfuðborgarsvæðinu endurgjaldslaust.

Húsgögnin átt þú að fá heim til þín samdægurs ef þú verslar fyrir kl. 13 annars næsta dag, nema samið sé um annað.  Ekki er hægt að gefa upp nákvæma tímasetningu um það hvenær varan berst í hús en bílstjórar okkar munu hringja 30 mín áður til að melda sig.

Samsetning á húsgögnum
Flest okkar húsgögn koma samsett, en við aðstoðum við að koma saman þeim hlutum sem ekki koma samsettir.
Þetta á þó ekki við um barnahúsgögnin okkar frá Small World.  Við bjóðum engu að síður upp á samsetningu gegn vægu verði, sem er 10% af kostnaði vörunnar.

Heimlán:
Tekk-Company lánar viðskiptavinum húsgögn heim til prufu gegn tryggingu. 
Tekk kemur vörunni til þín endurgjaldslaust en ef ekki verður að kaupum er sendingargjald til baka á kostnað viðskiptavinar.  Hámarksheimlánstími er 2 dagar.


Komi upp galli á vöru eða skemmd í flutningi
Tekk-Company leggur mikla áherslu á að veita viðskiptavinum  góða þjónustu og að sjálfsögðu gerum við okkar besta ef upp kemur galli á vöru eða vara hefur skemmst í flutningi.  Í slíkum tilfellum eða ef þið hafið spurningar eða hrós endilega hafið samband við Drífu Harðardóttur, verslunarstjóra á  drifa@tekk.is eða í síma 564 4400.