Tekk-Company var stofnað í september árið 1998 af bræðrunum Eyþóri og Finni Kolbeinssonum og konum þeirra Elínu Maríu Sigurjónsdóttur og Telmu Birgisdóttur.  Upphaflega hét verslunin Tekk-Vöruhús en nafninu var breytt í kjölfar kaupa á húsgagnaversluninni Company sem var á Frakkastíg.

Eftir vel heppnaða sölusýningu sem haldin var í Blómavali í Sigtúni var fyrsta verslunin opnuð í síðasta uppistandandi fjósinu í Reykjavík við Skógarsel (gamla Alaska).  Þaðan lá leiðin í Kringluna, svo í Nethyl og að lokum í Bæjarlind í Kópavogi þar sem verslunin er enn í dag og hefur stækkað og dafnað.  Tekk hefur frá upphafi lagt áherslu á að bjóða fallega hluti til heimilisins allsstaðar að úr heiminum, ásamt því að veita persónulega og góða þjónustu.